ፕሮፌሰር አክሊሉ ዳለሎ በአዲስ አበባ ዩኒቨርሲቲ የጂኦግራፊና አካባቢ ትምህርት ፕሮፌሰር ሲሆን በዚሁ ዩኒቨርሲቲ የመጀመሪያ ዲግሪውን በጂኦግራፊና ሁለተኛ ዲግሪውን በካሪኩለምና ኢንስትራክሽን አግኝቷል። ቀጥሎም ጀርመን አገር ከሚገኘው የዩሮፕያን ዩኒቨርሲቲ ኦፍ ፍለንስቡርግ የማስተር ኦፍ ሳይንስ ዲግሪ በተለዋጭ ኢነርጂ ሲስተምና አስተዳደር እና የፒኤችዲ ዲግሪ በጂኦግራፊና አካባቢ ትምህርት አግኝቷል። ከ1981 ዓ/ም ጀምሮ በአዲስ አበባ ዩኒቨርሲቲ በማስተማርና በተለያዩ የምርምርሥራዎች እየተሳተፈ የሚገኝ ሲሆን ዘርፈ-ብዙ ሙያዊና ማህበራዊ አገልግሎቶችንም አበርክቷል። ከእነዚህ መካከል በቅርቡ ተጠናቅቆ ሥራ ላይ የዋለውን የኢትዮጵያ ትምህርትና ሥልጠና ፍኖተ-ካርታ ካስተባበሩ ስድስት የአገራችን ምሁራን አንዱ በመሆንና የመምህራን ትምህርት ዘርፉን ደግሞ በመምራት ያገለገለበት ተጠቃሽ ነው።